واحـة بشـتامى
السلام عليكم .. أنتم غير مشتركين فى المنتدى .. يسعدنا إنضمامكم إلينا .. مع تحيات إدارة منتدى " واحة بشتامى "

من رسائل الانترنت

استعرض الموضوع السابق استعرض الموضوع التالي اذهب الى الأسفل

من رسائل الانترنت

مُساهمة من طرف د. محمد البقلى في الخميس أبريل 28, 2011 3:41 pm

احبائى رجال و سيدات بشتامى الشرفاء أرسل لى صديق رسالة تحوى قصيدة عن مبارك و رأيت ان انشرها على مسامعكم رغم انى لا اعلم كاتبها للامانة العلمية و اليكم القصيدة
سيادة الرئيس ... ...ارجعلنا
مش إنت واحد مننا ؟
و عمرك في يوم ما سرقتنا
و لا خدت مليم مننا
ما تيجي طب ترجعلنا
......تقعد بأهلك وسطنا
أهو مرة تاكل أكلنا
و تلبس يا خويا من لبسنا
و تعيش في حارة أو في شارع زيينا
قلت إيه ؟؟ يا حارق دمنا

***
سيادة الرئيس ... ارجعلنا
و غداك يا سيدي عندي أنا
رز و بطاطس مسرطنة
لحمة ؟؟ ... مفيش من سنة
فاكهة ؟؟ ... تعيش إنت و أنا
و الشاي .. بآخر معلقة من السكر إللي كان عندنا
اشرب و فوق و ركز بقى .. علشان نكمل حكيّنا

***
سيادة الرئيس ... ارجعلنا
مش سبت الحكم .. لأجلنا ؟؟
ما تيجي تسمع حكمنا !!
أفكرك ؟؟ و لا إنت فاكر زيينا
قطر اتحرق من كام سنة
و غازنا إللي طار من أرضنا ... لعدونا
و عبّارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا
و مركبة بأحلى شباب ... ييجوا من إيطاليا غرقانين .. و القرش ياكل لحمنا
و الله كانوا زيينا
و يمكن أحسن مننا
ليهم بيوت و ولاد و عيشة و حلم .. زي حلمنا
اتغربوا و اتبهدلوا .. لما الفساد طال كل حاجة في أرضنا
و إللي ما ماتش .. قاعد في غربته .. و الغريب بيذلنا
أقول كمان ؟؟ و لا كفاية ... و أهو إنت عارف عننا
اصبر هتسمع حكمنا

**
سيادة الرئيس ... ارجعلنا
و لو إنت واحد مننا
فعلا يهمك أمرنا
بينا عالنائب العام .. تفتنله على ولاد الحرام ... مصوا بلدنا و دمنا
و افتن دي فتنة مهيش حرام .. ده حقنا
دا لو إنت واحد مننا
اصبر هتسمع حكمنا

***
سيادة الرئيس ... ارجعلنا
اقعد معانا و زيينا
هعرفك .....
دي (أم خالد) أمنا
و دول أهل (سالي) أهلنا
و (عمر بن بنونة ) إبننا
فسر و احكي و قوللهم .. و قوللن
و استسمح الروح إللي منورة في الجنة عند ربنا
هتقول مكنش قصدنا ؟؟
دول ماتوا غصب عننا ؟؟
كداب و فاجر .. و إللي يصدقك زيك .. و الكدب ريحته منتنة
تتشل إيد إللي ضرب .. و إللي أمر .. و عليكوا لعنة ربنا
اصبر هتسمع حكمنا

***
أيوه بقول ارجع لنا
ياللي سرقت حلمنا
و غربتنا و نهبتنا ... و في كل حتة أهنتنا
إحنا إللي سال دمنا
في الأربعين و اسكندرية و التحرير يشهدلنا
آدي القفص ... أقف هنا
و الشعب يحكم .. مش أنا
صدقني ... هي بيّنة

من فوق سبع سماوات .. قالها ربنا
العين بالعين و السن بالسن ... و هو ده بقى حكمنا ... و مفيش غيره عندنا


_________________
dr: Mohammed Abdel Maaboud Elbakly
Assistant lecturer of Audiology and balace medicine
Otorhinolaryngology department. Al-Azhar university
avatar
د. محمد البقلى
مشرف
مشرف

عدد المساهمات : 45
النقاط : 2507
التقييم : 0
تاريخ التسجيل : 22/04/2011

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى