الشعب يريد......

أحمد عبد الوهاب كتب:لما نزل شعبنا ... بينــــادي بالتغييـــر

لماافتكر ربنا ... راح صلى فـــي التحريـر

لما غلي دمنا ... ورفضنـــــا التزويــــر

لما مريضنا فاق ... من حقنة التخديـــــر

لما نطق الحجر ... لم خاف من التكســــير

فجأة استجاب القدر... دا الرب في التدبير

حطمنا أكبر صنم ولا حد يتخيل

إنو النهارده رئيس ... بكره ما يبقى غفير

********** *************** *********
نزل الشباب الجدع ...ولا همهوش المــــــوت

حتى البنات زعقت ...قالـــــت بعلو الصـوت

قالوا نرضى بالمعتقل... ولا نرضى حكم طاغوت

إحنا هنا واقفين ....ما هنمشي غير بسقوط

بسقوط نظام فاسد ماهوحزب وحكومة

كتكوت من البيضة...والبيضة م الكتكـــوت