لما حظك يبقى نادي

لما حظك يبقى نادي......عادي ما تبوس الأيادي

لاجل كرسي في الوزارة ........ولا شقة في المعادي

وشبابنا كله عاطل........دا كمان معروف وعادي

بس في الحزب ونشيطة......لِيه تصالح أو تعادي

كلنا عرفنا الوزيرة.....تبقى عيشة عبد الهادي

لما تحكمنا وزيرة ......كانت ساقطة في الاعدادي

يبقى مش هيكون ضرورى.....إنها هتصون ولادي

لما تحكمنا وزيرة ......كانت بتبوس الأيادي

يبقى دي حكومة يا ناس......عمرها تكيد الأعادي؟

بعد ما كانت فقيرة......راح تقول مامي ودادي

تاخد شقة وعربية.....وتبقى عضو كمان في نادي

هي دي نهاية الحكاية....لما حظك يبقى نادي

لماحضك يبقى نادي...
تدخل الحزب المنغنغ.....تبقى عضو كمان قيادي

لما حظك يبقى نادي...
تبقى ساقط إعدادية ...تكون وزير
واللي خد جامعة ..ما لاقي يكون غفير

دا الفقير قاعد بيشكي....واعرفه وساكن قصادي
مانتا حظك... أصله نادي

لما حظك يبقى نادي....تكون بترشي أو تهادي

عادي ما تسلك أمورك...ولا تفضل في طابورك؟

لما تدفع للي هما........يرجع المسكين لدورك

واللي ساقط إعدادية.....يبقى حاكم ولا قاضي
لما حظو يبقى نادي

لما حظك يبقى نادي ....تروح تزور في الإرادة

كله بالتزوير بيخلص.......هو سنة ولا عادة؟

عضو مـ الوطني؟...هتنجح!
لو ما كنتش عضو لسه...روح وسدد اشتراكك...تبقى عضو من السنادي
ويبقى حظك أصلو نادي

لما